پێشنیاریێک بۆ فێر بوونی ئینگلیسی

سڵاو، هیوادارم حاڵتان باش بێت. ئەمڕۆ دەمەوێت بەو عەزیزانەی وا دەیانەوێت فێری زمانی ئینگلیسی بن پێشنیارێک بکەم:

هاوڕێی هێژا، ئەمڕۆ تووڕە نیم و بە تەواوی ئاساییم! ئینجا خۆیشم خەریکی فێر بوونی زمانی ئینگیلیسم. چەن پێشنیارێکیان پێ کردووم کە پێم وایە جالبە و بەکارهێنانی دوور لە مێشک نیە. یەکەم شت ئەوەیە کە هەوڵ بدەن فێری قەواعید و یاساکانی زمانی ئینگلیسی ببن، بۆ وێنە بزانن کە فێعلێک ئەگەر بە شێوازی ئێستا یان داهاتوو بەکاری بهێنین چ گۆڕانکاریێک لەسەری ڕوو دەدات. من پێم وایە سەرەکی ترین کارێک کە ئێوە وەکوو فێرخوازێکی زمانی ئینگلیسی ئەیکەن دەبێت ئەمە بێ.

بەڵام ئەگەر وەکوو من ئەم قۆناغەتان تێپەڕکردوە باشتر وایە بکەونە سەر فێر بوونی وشەکان، تەنیا شتێک کە لە زمانی ئینگلیسی پێم وایە زۆر زۆر یارمەتیتان دەدات. فێر بوونیشی هەم سادەیە، هەم مرۆڤ لی بێزار نابێت.

. وشەکان دەستەبەندی بکەن: بۆ وێنە بڵێن ئەم وشانە پێوەندیان بە ڕەنگ، ئاژەڵ، کۆمپیوتەر، یاسا و هتد هەیە. کاتێک کە ئەم کارەتان کرد، هەوڵ بدەن لە هەر ساعەتێک دا ١٠ تا ١٥ وشە فێر ببن. ئینجا ئەم ١٠ تا ١٥ وشە لە هەمان ساعەت دا لەبیر خۆتانی بخەنەوە. ئەم کارە لە ڕۆژدا دوو جار ئەنجامی بدەن. یانی تەقریبەن لە ڕۆژێک ٢٠ تا ٣٠ وشە. لە هەفتەی یەکەم دا بۆ وێنە فێری دەستەی میوە و ڕەنگەکان ببن.

. پاشان فێر بوونی هەر وشەیێک، هەوڵ بدەن کە شتێکی لەبارەوە بنووسن بۆ وێنە چی لەبارەی سێفی ترەشەوە دەزانن بنووسن، ئینجا لە کاتی دووپات  کردنی دا هەوڵ بدەن بە بیری بهێننەوە. هەر وەها هەوڵ بدەن کە لە هەر وشەیێک وێنەیێک زێهنی درووست بکەن، تاکوو لەبیرتان نەچێت.

. پاشان خوێندنی هەر وشەیێک هەوڵ بدەن بەشێوازێکی بنەڕەتی سەیری وشەکە بکەن، لە چەن پیت پێک هاتوە، چۆن نووسراوە و ئایا وشەکە سادەیە یان تێکەڵی چەن وشەی ترە؟؟

. هەوڵ بدە سەرچاوەی ئینگلیسی لە چەن بواری جیاواز یان ئەو بوارەی وا دڵت پێوەیە بخوێنەوە. بۆ وێنە ئەگەر خانمی ماڵێکی و حەزت لە چێشت لێنانە، بچۆ بابەتی چێشت لێ نان بە زمانی ئینگلیسی بخوێنە. یان ئەگەر حەزت لە هەواڵ و بابەتە، سەردانی سایتە هەواڵنێرەکان بکە.

. کاتێک کە دائەنیشی، ئەڕۆی بە ڕێگا، چێشت ئەخۆی یان هەر شتێکی تر، هەر ئامرازێک دەبینیت هەوڵ بدە وشەی ئینگلیسیەکەی فێر ببی. کاتێک کە تۆ چێشت ئەخۆی، ئەتوانی دەوری، چنگاڵ، کەوچک و هەزار شتی تر ببینی، ئەمانە زۆر بۆ فێر بوون و بەبیرهاوردنی وشەکان یارمەتیت ئەدا.

. سەرچاوەی 504 Essential Words لەبیر مەکەن، چوونکا بەڕاستی وشەکانی گرینگ و موهیممە!

ئەم پێشنیارانە لێرە و لێرە پێیان کردم! ئەگەر فارسی دەزانی سەردانی ئەم مالپەڕانە بکە، زۆر بەسوودن!